Tan toos bien

8 Febreru, 2016
Tan toos bien

La familia nel cine italianu contemporaneu.
Títulu orixinal: Stanno tutti bene.
Giuseppe Tornatore / Italia / 1990 / Color / 126 min.
Repartu: Marcello Mastroianni, Michèle Morgan, Valeria Cavalli, Marino Cenna, Norma Martelli, Roberto Nobile, Salvatore Cascio, Matteo Lo Piparo, Mariangela Randazzo.
Matteo Scuro ye un xubiláu sicilianu, vilbu y con cinco fíos que yá va años qu'abandonaron la casa familiar buscando un futuru meyor. Él decide sosprender a cada unu con una visita, y asina de la mano de Matteo percorremos Italia de sur a norte, dende Nápoles pasamos poles monumentales Roma y Florencia, pa llegar a Milán y Turín. Pero esti viaxe col qu'esfrutamos de los formosos paisaxes que nos ufierta'l país; ye al empar un amargosu viaxe interior, nel que vivimos la evolución del so protagonista a midida que dase cuenta de que les coses nun son como imaxinaba y afaya la realidá de cada unu de los sos fíos. Esta preciosa hestoria agriduz, cargada de murnia ya ironía, amuésanos el cambéu de valores na sociedá tradicional italiana, onde les coses evolucionen y colles la familia. Una familia que yá nun ye lo que yera.
Hora: 20:00h

Sitiu: 
Teatru Filarmónica
Localidá: 
Uviéu
Tipu d'eventu: 
Proyecciones
Contador Estadistiques