Robe Iniesta

Roberto Iniesta, Robe (Plasencia, @1962), lleva escribiendo cantares y percorriendo tou tipu d'escenarios desque en 1983 diera forma con unos amigos a Dosis Letal. En 1987 funda Extremoduro, grupu de rock del que ye cantante, guitarrista y autor de los cantares y col que, hasta'l momentu, grabó once discos d'estudiu. Iniesta ye amás autor d'una novela, 'El viaje íntimo de la locura', publicada en 2009, y tou ello ensin dexar de collaborar mientres toos estos años con munchos grupos.


En 2015 Robe vio publicáu'l so primer trabayu en solitariu, 'Lo que aletea en nuestras cabezas', siendo discu d'oru en poques selmanes y númberu ún de vientes n'España. El pasáu 18 de payares vio la lluz el so segundu discu, 'Destrozares', cantares pal final de los tiempos, álbum que foi recibíu por públicu y crítica de forma igualmente espectacular.


Tanto pa la composición de los cantares como pa los conciertos, Robe, desque empecipiara la so actual andadura, cuenta colos siguientes músicos: Carlitos Pérez, al vigulín; David Lerman, al clarinete; Álvaro Rodríguez, al pianu; Alber Fuentes, a la batería y a les percusiones; y Lorenzo González, a los coros.
Hora: 21:00h.