Pelléas et Mélisande

3 Febreru, 2018
Pelléas et Mélisande

Basada na obra teatral homónima del escritor belga Maurice Maeterlinck, narra la hestoria d'un triángulu amorosu ente dos hermanos (Pelléas y Golaud) que se sienten atrayíos pola mesma muyer (Mélisande). Son personaxes que viven una realidá habitada polos suaños. Conscientes de que l'amenaza d'una traxedia ta sobre ellos, el peligru añera nel so interior. El destín, la muerte, materialízase como otru personaxe de manera enigmática ya invisible, pero siempres presente. La obra trata los conflictos universales del home: amor, engañu, celos, violencia, llocura y muerte.


Pelléas et Mélisande marcó un puntu d'inflexón na hestoria de la ópera: abrió les puertes del xéneru al sieglu XX y determinó una fonda renovación del mesmu tres la revolución wagneriana. Debussy, influyíu pol impresionismu y el simbolismu, trató de buscar na so obra una espresión propia y llibre, concediendo una gran importancia al timbre de les voces y a los instrumentos musicales. Esta murria sonora ye una obra capital nel aportar hestóricu de la ópera magar la so naturaleza abiertamente esperimental dende'l puntu de vista dramatúrxicu.


A cien años del fallecimientu de Claude Debussy, la so alcordanza materializase na Temporada llírica d'Uviéu cola programación de la so única ópera completa. La so proyección futura y guapura yá fueron prediches con impotencia pol mesmu compositor: "¿qué puede escribise dempués de Pelléas?" va preguntase años dempués, incapaz de concluyir la ópera 'La cayida de la Casa Usher'.


Va Ser la primer vegada qu'esta obra maestra del xéneru va representase nel Teatru Campoamor.


Ficha artística:

Pelléas: Gyula Orendt

Golaud: Andrew Foster-Williams

Arkel: Maxim Kuzmin-Karavaev

Yniold: Eleonora de la Peña

Un médicu: David Sánchez

Mélisande: Anne-Catherine Gillet

Geneviève: Yulia Mennibaeva

Dirección musical: Yves Abel

Orquesta Sinfónica del Principáu d'Asturies

Coru de la Ópera d'Uviéu

Hora: 20:00h.

Sitiu: 
Teatru Campoamor
Localidá: 
Uviéu
Tipu d'eventu: 
Música
Contador Estadistiques