No hay mejor defensa que un buen tinte ye una comedia con tintes absurdos y surrealistes, a mediu camín ente'l sitcom televisivu y el culebrón mexicano y habitao por trés llocos personaxes que unas vegaes paecen salíos d'una novela de García Márquez y otres d'una película de Berlanga. La obra ye parte d'una triloxía sobro'l secuestru. Les rancheres mexicanes, la vengación, los secuestros y los heriedos son temes recurrentes nel autor a partir de los cualos somorguiamos nun mundu con personaxes que son felices víctimes de les sos obsesiones y los sos mieos.
Fer –encegoláu cola verdá- y Martha –mentirosa compulsiva- abren una peluquería en Madrid y contraten a Gustavo, estilista canín que busca la so oportunidá col pelo humano. Tres delles selmanes sospechosamente tranquiles, l'ésitu llega a la peluquería y con él dos peligrosos ximielgos que reclamen a Martha, la so madre, l'anticipu d'un heriedu millonariu. Fer, Martha y Gustavo –improvisaos y castizos Ánxeles de Charly- tendrán de xunise y utilizar les sos distintes habilidaes pa lluchar contra los dos nuevos enemigos. Nesta lloca guerra, déxense peluques, tisories y tintes. Solo l'aburrición ta prohibida.
Intérpretes: Fran Arráez, Mario Alberto Díez, Carmen Navarro
Dirección: JuanMa Pina
Hora: 20.30h.