Morir cuerdo y morir loco

Rafael Alvarez El Brujo
El día 23 d'abril de 1616, na cai de Llión, en Madrid, acoyíu a la beneficencia d'un clérigu, arrodiáu de xente probe y de muyeres de mala reputación que curiaron d'él hasta l'últimu momentu, escaecíu de la corte y de toos, un xeniu esclariáu, morría cristianamente.
Vistíu col vezu de la venerable orde tercer de San Francisco, na so última agonía, sobre l'estragal de la puerta, arrodiáu por un fexe de lluz, vio la figura d'un caballeru que lu miraba desacobardáu. Dicir de los sos güeyos que rellumaben encendíos cola reblaneda de la llocura, pero en realidá lo que espresaben aquellos güeyos yera'l rellumu de la inmortalidá.
El morrebundu berru en voz alta: “¿y esti qué?" y el mesmu, de manera calma, a sigo mesmu, dulcemente respondíase: "¿y a ti qué? si yo quiero qu'él se quede y que to vengas, ¿a ti qué?. Tu síguime".
Los sos hermanos d'oficiu y otros que naquél trance curiábenlu pensaron que deliraba, pero aquella namá yera la so particular manera de rezar. Caballeru andante de la palabra, recitaba'l final del Evanxeliu de San Juan.
Kahaba de pelegrinos, templu d'ídolos o claustru de monxos cristianos, pliegos del Corán o tables de la Llei, el so corazón yera yá pradería de gaceles. Acaballaba ensin llevar otru trote qu'aquel qu'el so caballu quería, ensin otra cabalgadura que la del amor: la so única fe, la so credo: La Palabra, la so única llei.
Dicen que morrió col vezu de la fraternidá de los indignos esclavos del sagráu sacramentu… de La Palabra, y verdá ye que la sirvió, como'l caballeru a la so dama. Dicen que se llamaba Miguel de Cervantes Saavedra, pero ¿qué importa esto al nuesu cuentu señor? Sía cual fora'l so nome, a él dedicámos-y esta función: Gracies.

El mio pa siempres me dicía:- Si'l públicu te escucha da les gracies, porque vas ser más humanu.
-¿Y el públicu va ser tamién más humanu?
Eso ye yá cuestión del públicu, Rafael.
Siempres que nos lleía esta hestoria, cerraba'l llibru, alcordábase d'aquelles tabiernes de Lucena y dicía ¡uy! lo que yo daría por volver a vivir de nuevu… Los misterios del Quixote.
Hora: 20:00h