Monrovia, Indiana

Na pequeña comunidad de Monrovia, n'Indiana –onde Trump algamó'l 75 por cientu de los votos–, con poco más de 1.000 habitantes, refléxase una forma de vivir alloñada del mundu esterior, despreocupada de conflictos o vaivenes de la política internacional. Una sociedá sometida a los estereotipos, pero tamién con ciertu sentimiento de comunidá y con valores que faen más llevaderu'l día a día. Espacios reconocibles como la ilesia, la barbería o'l institutu, que faciliten el desarrollu del serviciu a la comunidá, cierta espiritualidá y un incuestionáu deber de solidaridá colos más cercanos. Pero entovía asina, les muyeres malpenes tienen protagonismu y los paisanos mantienen conversaciones triviales y casi ensin percorríu.


País: Estaos Xuníos (2018).


Direutor: Frederick Wiseman.


Idioma: versión orixinal n'inglés subtitulada en castellanu.
Hora: 20:00h