'Miraes 2018'

L'Asociación Profesional de Fotoperiodistes Asturianos (APFA) presenta nel Muséu Barjola la esposición 'Miraes 2018'.

APFA lleva más d'una década convocando'l concursu Miraes, col que seleiciona les imáxenes pa la so esposición, y d'ente éstes premia a la meyor del añu n'Asturies y a la meyor d'ún de los sos asociaos fuera del país.

En cada edición podemos ver imáxenes onde se revisen acontecimientos y protagonistes del añu pasáu, 2017 poro nesta edición. Nel so conxuntu toles semeyes escoyíes faen presente la importancia de la información visual y de la llibertá necesaria pa ello y, igualmente, pueden percibise les dificultaes y dureza del trabayu diariu de los fotoperiodistes dientro y fuera d'Asturias, n'ocasiones en zones en conflictu.

Esti anuariu o diariu d'imáxenes peculiar adquier un valor documental y de testimoniu social al facer patente acontecimientos políticos, deportivos, empresariales, socesos, fiestes, costumes o premios.
Hora: