Los Desiempre y Son del Carmen

La maxa de la música en direuto acompáñase de la lluz y el soníu, dibuxando unes nueches de branu mui especiales nel Xardín Botánicu Atlánticu.


Los Desiempre


Son un grupu d'esperimentaos músicos xixoneses con munches actuaciones al llombu que faen música de los 70 y 80. Interpretando los grandes ésitos d'aquellos años, la so finalidá ye divertir al públicu y facer que baille. Son los autores del famoso tema 'Muiles en el Piles', que foi un pelotazu l'año pasáu, con más de 150.000 visites na rede. Los componentes son: Marta Alvarez y Luis Cuervo 'Mariñán' (cantantes), Nacho Cifuentes y Cesar Monte (guitarres), Fernando Martínez (baxu) y Gonzalo Fernandez 'Pifu' (batería).


Son del Carmen


Ye un grupu nacíu en Xixón hai más de diez años que se caltién fiel a les sos intenciones iniciales: interpretar música acústica en castellanu. Boleros, balaes, son cubanu, etc., formen parte xeneral del so repertoriu inspiráu nel mestizaxe sudamericano y español. Los componentes son: Javier (voz), Miguel junior (voz y guitarra), Luis (guitarra), Mandi (baxu), Miguel C. Requinto (tres cubanu y voz), Orestes (percusión) y María José (percusión).
Hora: 22:30h.