Les Nueches Máxiques del Botánicu

El Botánicu presenta la XV Edición de les sos Nueches Máxiques. Un alcuentru nocherniegu cola naturaleza, el misteriu y la tradición que s'axunten nun espectáculu distintu.


N'esti mesmu llugar fai enforma tiempu, esistió un formosu monte atlánticu, nel que crecíen magníficos árboles cómo los carbayos, los fresnos y los omeros, y que taba pobláu d'animales y de seres fantásticos nos que creíen los antiguos ástures, que con ellos convivíen. Como siempres asocede, los nuevos tiempos fixeron qu'aquel enorme monte viérase amenorgáu, aumentó la población, baltáronse árboles, se cavaron tierres, y los antiguos ástures, adulces fueron dexando de creer nestos seres prodixosos que quedaron apostraos al mundu de los cuentos y les lleendes. Pero ¿fueron sumiendo del tou? Pos non, non del tou. Tres esos árboles habiten dalgunes d'eses criatures, prácticamente dende l'entamu de los tiempos.


Nuesos texos, poderosos y llonxevos álzase nel tronu de la nuesa visita nocherniega, animando a esos personaxes fantásticos del Xardín Botánicu Atlánticu a danciar una vegada que probaron la so máxica cazumbre. So ellos acovécense les fiestes, les tradiciones, la fantasía d'unos personaxes que lleven años y años ablucando a los pasiantes nocherniegos nes NUECHES MÁXIQUES. Los Trasnus, el Diañu Burllón, la Xana, la Güestia, el Busgosu o'l Trasgu y el Trasguín, van sosprender a los visitantes a lo llargo d'un percorríu per distintos paraxes del Xardín Botánicu.
Hora: 22:00 y 23:30h.