Les 1500 de Pumarín

Vivienda y desenvolvimientu urbanu en Xixón: Les mil quinientes de Pumarín.


La esposición va recoyer tamién el contestu políticu y social del Xixón de los años cincuenta del sieglu XX, según les principales iniciatives urbanístiques llevaes a cabu mientres l'ámbitu cronolóxicu de xestación del proyectu (1952-1962).


Mientres la dictadura franquista, nel tránsitu de la autarquía al desarrollismu, Xixón carez un importante déficit de viviendes pa trabayadores. Dende la iniciativa oficial inténtase desaniciar el problema por aciu la construcción de bloques d'edificios, xeneralmente en barriaes perifériques. La iniciativa más importante y emblemática de toes va ser la puesta en marcha del Polígonu de Les Mil Quinientes, nel barriu de Pumarín, entamáu pol Instituto Nacional de la Vivienda.


Va ser proxectáu por un grupu d'arquiteutos que proponen un nuevu diseñu urbanísticu y arquitectónicu de la vivienda social, combinando torres n'estrella y bloques llineales de distintos altores, alternándolo con espacios llibres, acorde colos principios de la Carta d'Atenes.
Hora: