La unidad dividad por cero

Esta esposición axunta per primer vegada al reconocíu artista Juan Genovés xuntu colos sos trés fíos: Pablo, Silvia y Ana. 'La unidá estremada por cero' ye la fórmula matemática qu'adoptaron como títulu, pa esplicar la dinámica que los xune como familia y como artistes.


L'amuesa presenta cuadros de Juan Genovés sobro dos de les sos temátiques más habituales: la xeometría y el drama humanu. La simbiosis ente estos dos elementos ta tamién presente na obra escultórica y les instalaciones d'Ana Genovés. Nesti contestu dramáticu, les fotografíes de Pablo Genovés plantegen xuna revolución frente a les tradiciones establecíes. A lo último, los vídeos de Silvia Genovés apurren xuna visión humorística y crítica de la realidá.


La esposición inclúi tamién la instalación 'Abrazo-Desabrazo' (2019), realizada a partir de 'L'Abrazu' (1976), xuna de les obres más icónicas de Juan Genovés y que se considera símbolu de la Transición española. Frutu de la collaboración ente Juan, Pablo y Ana, nel Centru Niemeyer va presentase esti cuadru reproducíu y, al so llombu, los visitantes van atopar la desoladora adaptación d'una fotografía de Pablo Genovés. Toa xuna metáfora del actual panorama internacional y de la simplificación de los símbolos históricos.
Hora: De miércoles a domingu de 11 a 14 y de 16 a 19 hores.