La Plomada

22 Mayu, 2018
La Plomada

L'interés sobre un estrañu heriedu -una antigua plomada de pesca que perteneció al so güelu inmigrante español- ye lo qu'impulsa al narrador ficticiu d'esti documental a viaxar dende la so casa de Nueva York a les cais de Tampa, Florida. Mientres unos díes, gracies al increíble elencu de tampeños qu'ellí atopa, el narrador va vese somorguiáu nun mundu que ta a puntu de sumir.


Va años que'l cineasta asturianu Luis Argeo recueye nel so trabayu les buelgues de la emigración española y asturiana n'Estaos Xuníos. Argeo estrenó en 2006 la so primer película, AsturianUS a la que siguió Corsino, by Cole Kivlin en 2010. Al pie de James D. Fernández lidera'l proyectu archivísticu documental Nin flaires nin conquistadores: Spanish Inmigrants in the US.


Enllazando col so anterior trabayu, Un legáu de fumu, West Tampa y Ybor City (Florida) son l'escenariu que la película convídanos a percorrer, unes cais qu'allugaron les numberoses fábriques de tabacu que convirtieron a esos llugares na 'capital mundial del tabacu'. La plomada sofitase nos relatos y alcordances de los sos habitantes d'orixe español (emigrantes asturianos na so mayoria), y nos restos d'una dómina y una xente que tá yá a puntu de sumir.


Añu: 2017

Duración: 55 min

Idioma: V.O. en castellanu ya inglés subtituláu en castellanu

País: España, EEXX

Director: Luis Argeo y James D. Fernández

Producción: Anthony Carreño, Luis Argeo, James D. Fernández

Guión: Luis Argeo y James D. Fernández
Hora: 20:00h.

Sitiu: 
Casa Cultura
Localidá: 
Noreña
Tipu d'eventu: 
Proyecciones
Contador Estadistiques