La fuga de Perséfone. Cristina Ferrández

En clave poética y metafórica Cristina Ferrández cavila, al traviés de la fotografía y el vídeu-arte, so'l modelu occidental de desenvolvimientu y propón repensar la relación ente humanidá y naturaleza. L'oxetivu ye la deconstrucción del yo masculín dominador y el surdimientu d'una cultura de la igualdá y la sostenibilidá frente a un modelu tecno-económicu irresponsable. D'últimes, renaturalizar al ser humanu.



'La fuga de Perséfone' toma a esta figura mitolóxica como puntu de partida pa deliberar sobre l'actual estáu de la muyer y de la naturaleza. Perséfone representa los poderes de la Tierra, el so tresformamientu, la emerxencia cíclica y conviértese tamién en sinónimu de reivindicación de los derechos de la muyer esaniciando fórmules opresivas y superando visiones antropocéntriques y androcéntricas col oxetivu de xenerar una conciencia anovada escontra la nuesa relación col planeta.
Hora: