La comedia de Miles Gloriosus

Por Teatro Kumen.


MILES GLORIOSUS (205 a. C.) narra les aventures d'un militar que ta encegoláu por conquistar... ¡muyeres ayenes!...

Pirgopolinices, escrupulosu coles sos obligaciones militares, alluga dientro de sí una personalidá tan donjuanesca y enfermiza que conviertese nel centru de la burlla de toos cuantos lu arrodien, hábilmente empuestos, eso sí, pol esclavu Palestrión.

Les trampes que-y tiende esti atélite esclavu y la debilidá que carez el Miles pol sexu femenín son los filos conductores d'una comedia que'l so final concuerda col so desenvolvimientu: el Miles ta a puntu de perder la so... ¡'más querida' graduación!


Ensin ser la meyor obra plautina, ye, con muncho, la más célebre de toes elles; la tradición lliteraria, sicasí, tuvo un tratu desigual con MILES GLORIOSUS; interpretada n'ocasiones como una obra antimilitarista, unes vegaes goció de los aplausos más calorosos y n'otres condergada al más puru de los ostracismos.

Pero MILES GLORIOSUS nun ye nin antimilitar nin pacifista, ente otres razones porque nun lo dexara una sociedá, como la romana, entornada'l mesmu añu del so estrenu nos preparativos de la BATALLA DE ZAMA (202 a . C.) y ansiosa yá d'acabar con Aníbal, el peor de los sos enemigos.
Hora: 19:00h.