Festival Intercélticu d'Avilés y Comarca

El Festival Intercélticu d'Avilés y Comarca anuncia la mayor participación de músicos y artistes de los últimos años. El gruesu de la programación va ser del 24 al 30 de xunetu, anque va haber actividaes qu'arrinquen yá na fin de selmana precedente.


Siete bandes de gaites y grupos de danza de Bretaña, Gales, Galicia, Irlanda y Escocia, van axuntar n'Avilés y la so contorna nel Festival Intercélticu a más de 150 músicos y baillarinos para dar bona cuenta de la programación d'esti reconocíu alcuentru internacional de cultures celtes, consideráu unu de los más importantes d'Europa.


Al ampliu elencu d'artistes musicales del arcu atlánticu, va sumase'l non menos cuantioso gremiu d'artesanos, que por aciu el so variopinto abanicu d'ufiertes, van conformar el Mercáu Celta apurriendo cifres de participación similares al de músicos y danzantes. A ello lóxicamente hai que siguir sumando los representantes asturianos, que se van amosar en númberu importante como correspuende al país anfitrión, nos sos más variaos estilos artísticos: Pintura, escultura, poesía, artesanía, música de dellos xéneros (pop, folk y tradicional) baille, danza y tonada. El total supera la centena.


Amás de caltener la so presencia na contorna al traviés de los conceyos de Corvera d'Asturies y Pravia, el prestixosu certame va repitir allugamientu principal en La Esposición (Les Meanes) dáu l'impresionante ésitu collecháu l'añu anterior mientres el desenvolvimientu del mesmu. Un importante bagaxe que tantu'l Conceyu d'Avilés, como l'Asociación Cultural Esbardu, esperen superar na yá cercana edición ameyorada y reforzada al respective de la so predecesora, tocantes a niveles de participación, calidá y serviciu.
Hora: