El peso del aire. Michael Kenna, fotografías

2 Xunetu, 2017
hasta el: 
3 Setiembre, 2017
El peso del aire. Michael Kenna, fotografías

La esposición, realizada en collaboración con Michael Dunev Art Projects, axunta 26 fotografíes de Michael Kenna (Gran Bretaña, 1953), tomaes en Francia, Italia, Noruega, Gales, India, China, Corea, EE.XX. y Xapón.


Kenna ye mundialmente reconocíu poles sos fotografíes en condiciones estremes de llume, lo que-y dexa un peculiar manexu de la lluz al traviés de perllarges esposiciones. La resultancia son unes imaxes perguapes, etérees, oníriques, nes que nunca apaez directamente l'home.


Con más de cuatrocientes esposiciones individuales en tol mundu, obra nes colecciones permanentes de casi un centenar de museos y una ventena de llibros publicaos, la obra de Michael Kenna ye reconocida internacionalmente poles sos seles cualidaes meditatives, la so templada y minimalista composición y una esquisita técnica de llaboratoriu. Kenna lleva trenta años fotografiando'l mundu natural, elementos arquitectónicos, parques, fábriques, espacios industriales, ruines, confesionarios… Evita les tecnoloxíes dixitales, optando pel cuartu escuru tradicional, imprimiendo él mesmu cada copia de xelatina de plata y amenorgáu tamañu, 20 x 20 cm.


La esposición va poder visitase del 2 de xunetu al 3 de setiembre de 2017 y, nel marcu de la mesma, van realizase una conferencia, visites empuestes, un alcuentru col autor y un conciertu de música antigua xaponesa.
Hora:

Sitiu: 
Fundación Museo Evaristo Valle
Localidá: 
Xixón
Tipu d'eventu: 
Esposiciones
Contador Estadistiques