'Dolphin man'

17 Xunetu, 2018
'Dolphin man'

¿A cuánta fondura pues llegar con una sola boquiada d'aire? Somórguiate na historia estraordinaria del buceador Jacques Mayol, el primeru en ser quien a descender 100 metros ensin respiración artificial y que revolucionó'l bucéu llibre mediante la introducción de téuniques zen y de yoga. Una historia inmersiva, una esperiencia sensorial y tressformadora baxo l'agua que nos coneuta col nuesu yo interior.


'Dolphin man' avéranos a la vida del llexendariu buceador por apnea que sirvió d'inspiración de la película de cultu 'The big blue', de Luc Besson. Viaxó per tol mundu, promoviendo la urxencia de los humanos de volver a coneutar cola natura Un retratu íntimu de la so vida que revela como 'l'home delfín' foció les llendes del cuerpu y la mente, non sólo pa batir récores, sinón tamién cola esperanza de descubrir l'afinidad más profunda ente los seres humanos y la mar.


'Dolphin man' ye'l primer llargumetraxe documental de Lefteris Charitos. Estudió cine nel Royal College of Arts de Londres, dirixó delles series de ficción y non ficción pa la televisión griega, incluyendo les aclamaes series de documentales '1821' y 'The journey of food'.
Hora: 19:25h.

Sitiu: 
Antiguu Institutu Xovellanos
Localidá: 
Xixón
Tipu d'eventu: 
Proyecciones
Contador Estadistiques