DOCUXIXON

L'amuesa de documentales DOCUXIXÓN va ufiertar nesta octava edición les siguientes producciones pal vienres 2:


ISABELLE INGOLD


Nord pour mémoire avant de le perdre (Memoria de Nord antes de perdela) (1996 | 30 min.), d'Isabelle Ingold y Vivianne Perelmuter

El documental remembra l'alcordanza de les mines de carbón de Nord-Pas-de-Calais a lo llargo del sieglu XX.


Une place sur terre (Un llugar na tierra) (2001 | 54 min.), d'Isabelle Ingold y Vivianne Perelmuter

Caleidoscopiu de semeyes qu'entemez testimonios de persones bien diverses —mayores, escluyíes, discapacitaes…— sobre cómo ven y encaren la vida.


Deas jours et des nuits sur l'aire (Díes y nueches na área) (@2016 | @80 min.)

Documental sobre la área de serviciu d'una autopista al norte de Francia. Un espaciu económicu bien activu y multicultural, nel que dalgunos trabayen a miles de kilómetros de la so casa ente qu'otros nunca abandonaron la so rexón.


Entama: FMCE y UP. Centru d'Imaxe en collaboración cola RTPA.
Hora: 18:00h.