Cultura a Pie de Cai: Los Gascones

Los Gascones ye un grupu compautu y afayadizu de cinco músicos con una esperiencia amplia na música tradicional asturiana. La so formación d'acordión, saxofón barítonu, bombu, gaita y tambor sigue la tradición de les bandines asturianes qu'abondaron nel entamu del sieglu XX, a la que-y incorpora voz pa dar relevancia a los temes cantaos.

Pa poder facer más curiosa la so propuesta y averar la música tradicional a un públicu bien diversu, incluyen nel repertoriu temes tradicionales asturianos y adautaciones de temes perconocíos del pop, el rock y de tola música popular d'ayeri y d'anguaño. El resultáu ye una propuesta gayolera de música de cai que consigue mover al públicu en cada momento, tanto a mozos como a mayores.

Hora: 21h

Preciu: de baldre