'Cuarteto', de Teatro Contraste

'Cuarteto', d'Eduardo Rovner, ye énte too, una metáfora maestra acerca de la insensibilidá, la indiferencia y la intolerancia. Cuatro pseudomúsicos, fanáticos de Beethoven, conformen un cuartetu de cuerdes mui particular. L'aición trescurre na casa d'Anselmo, que se fai llamar Johann, mientres un ensayu mui intensu, el día enantes d'una presentación en televisión pernaguada. Nel cuartu d'al llau, la esposa de Johann ta agonizando. Los quexíos y interrupciones de la muyer xeneren una tensión cada vez más fonda y menos soportable pa los nuesos músicos, llevando la situación a un desenllaz estremadamente poético. La puesta n'escena propón una estética cargada de teatralidá, con una fuerte composición de personaxes, na que l'humor prieto adueña'l llinguaxe, y onde, seguramente, florecerá la reflexón.

Por Teatro Contraste.

Autor: Eduardo Rovner.

Direición: Cristina Suárez.

Repartu: Juan San Miguel, Carmen Sandoval, Geni García, Pablo Álvarez y José Luis Campa.
Hora: 19:30h.