'Cortinos. Colmenares tradicionales del occidente de Asturias'

Esposición fotográfica que forma parte d'un proyeutu impulsáu nel 2021 pola empresa La Jurbial Servicios Ambientales con sofitu de la Conseyería de Cultura, Política Llingüistica y Turismu, y la collaboración de la Fundación Oso de Asturias y el Muséu Pueblu d'Asturies. Ésta avéranos al conocimientu de los cortinos o cortíos, denominación que reciben les construcciones de piedra en seco que, anque presentes en diferentes árees peninsulares, algamaron una singular difusión nel occidente d'Asturies.

Los sos responsables y comisarios de la esposición son el naturalista Ernesto Díaz (La Jurbial Servicios Ambientales) y el biólogu Javier Naves (Estación Biológica de Doñana-CSIC). Entrambos entamaron o participaron en trabayos d'inventariáu y carauterización d'estes construcciones a lo llargo de los últimos 35 años n'Asturies, Lleón y Galicia.

Nel nuesu país tienen contabilizaos cerca d'un millar, presentando en ‘Cortinos. Colmenares tradicionales del occidente de Asturias’ 30 semeyes de dalgunos d'ellos, que van acompañaes de paneles informativos nel que l'asturianu tien presencia. Nacho Arbesú encargóse del proyeutu espositivu.
Hora: De 10 a 14 y de 15 a 18h