Coro Más que Jazz

Más que Jazz ye una agrupación con más de 40 voces, nacida nel Conservatoriu Profesional de Música y Danza de Xixón, que ta dirixida pola profesora Adriana Cristina García.


Dedicaos especialmente a la música negra, nos sis seis años de vida percorrieron numberosos teatros y sales de conciertos, grabaron un premiáu videoclip con Davi Quixito, actuaron na gala de los premios AMAS y nel Festival de Jazz de Xixón, fixeron flashmobs y collaboraron coles big bands del Conservatoriu de Xixón y cola Orquesta Filarmónica de Asturias.


El primer coru de jazz d'Asturies sorprende pola so orixinalidá, la so calidá musical y lo ameno del so repertoriu, con versiones de grandes temes del jazz, el soul, la bossa-nova, el gospel o'l pop, y con unos arreglos cuidaos, tanto a cappella como con acompañamientu instrumental. Cuenten cola so propia banda, formada por tecláu, guitarra, baxu, batería y metales.


Déxate envolver pol calor y sensibilidá de les voces y redescubre la banda sonora de la to vida como nunca enantes la sintieres: cantares que divierten, inspiren o namoren, dende Duke Ellington, Irving Berlin o George Gershwin hasta Ray Charles, EWF, Madonna o Pharrell Williams.
Hora: 22:30h.