Coro Gabon de Zumaia

El Coru Gabon de Zumaia va protagonizar en La Pola la tercer xornada del Memorial 'Ángel Embil'.


Averábense les Navidaes del añu 1944 y los txikiteros habituales alcordáronse de los cinco nuevos zumaianos ingresaos nel Sanatoriu Antituberculosu d'Andazarrate, ente Aia y Villabona. Unu d'ellos suxurió: "que podemos preparanos pa cantar el próximu dia 24 d'Avientu polos chigres de la localidá y col dineru recaldáu, lleva-yos unos regalos". Dicho y fecho. Realizaron el percorríu habitual, esta vegada cantando y pidiendo ayuda económica. Resultó tou bien esitosu, tanto nel apartáu musical como nel referente a la cuestación y ellí presentáronse colos regalos que los residentes recibieron con gozu y agradecimientu. Asina foi como s'empecipió del Coro Gabon (Gabon Korua).


El llabor musical empecipiada por Kepa Uranga Gomez siguio con Carlos Gorostola Urbieta, siempres con un coru formáu por voces graves. Como na vida de tantes organizaciones, hai siempres momentos ablayaos, de falta d'ilusión, etc. Col fin de nun perder la tradición, pensóse, y asina se fixo, que'l coru convirtiesese en mistu. Asumió los llabores de dirección el sacerdote, coaxutor de la Parroquia de San Pedro de Zumaia, D. Juan Ignacio Mendia Etxaniz, cola inestimable ayuda na enseñanza de Valentin Manterola Gómez. Una vegada asitiáu'l coru, la dirección pasó a manos de Jeronimo Egaña Goikoetxea que trabayó perbién mientres 25 años, con dalgún intervalu de tiempu nel que lu sustituyó Santiago Goikoetxea Elustondo. L'añu 1984 empezó a dirixir Agustin Zubimendi Lopetegui, siguiendo col llabor na actualidá y encargándose del bon funcionamientu de l'agrupación coral.
Hora: 20:00h.