Coque Malla y el Cuarteto Irrepetible

Coque Malla, a piques de finar la 'Gira Irrepetible', presenta una serie de conciertos especiales acompañáu pol pianista David Lads y un cuartetu de cuerda. Un espectáculu diseñáu pa teatros y espacios mui escoyíos, onde apreciar los matices nuevos qu'adquieren los cantares gracies a la sonoridá d'estos instrumentos.

En pallabres de Coque Malla: “Dende que los violines, violes y chelos entraron nos mios cantares d'una manera más rigurosa,la mio música y la mio manera d'entendela cambió pa siempre. Y amás, siento que yá nun hai marcha atrás...”.

Depués de presentar 'Irrepetible' (Warner, 2017) per tol Estáu en clave de rock, agora ye'l turnu d'una aproximación nueva a esti repertoriu. Amás de la participación del so pianista y la seición de cuerdes, Miguel Malla torna a firmar unos arreglos que yá brillaron na grabación del discu en direuto.

Esta serie de conciertos íntimos y especiales son la meyor despidida y un homenaxe últimu pa un disco realmente irrepetible. Una oportunidá pa disfrutar de cerca de Coque Malla nún de los sos meyores momentos creativos y interpretativos dende que comenzara l'andadura musical en solitariu.
Hora: 21:00h.