'Centru Niemeyer. Reflexos d'Asturies'

28 Febreru, 2023
hasta el: 
24 Marzu, 2023
'Centru Niemeyer. Reflexos d'Asturies'

Baxo'l títulu 'Centru Niemeyer. Reflexos d'Asturies' amuésense 60 fotografías y 3 reproducciones artísticas centraes nel complexu cultural diseñáu por Oscar Niemeyer. Al traviés d'elles percuérrense los primeros pasos de les obres nel añu 2007, el conxuntu del procesu constructivu, el resultáu final –presentando al Centru Niemeyer como obra d'arte en sí mesma– y dalgunos testimonios gráficos que recueyen actividaes culturales destacaes que se desendolcaron nos sos espacios a lo llargo d'estos años.

Tres la so inauguración en Llanes y el so pasu per Grau, Valdés, Navia, Ḷḷena, Tinéu, Cabranes, Somiedo, Colunga, Samartín del Rei Aurelio, Ayer, Ponga, Cangues d'Onís, El Franco, Morcín, Mieres, Llanera, Nava, Piloña, Noreña, Cuideiru, Parres, A Veiga, Salas, Carreño, Corvera y Caravia, la esposición, producida pol Centru Niemeyer y patrocinada por Caja Rural de Asturias, sigue'l so viaxe nuna sede nueva: el patiu de la Casa de Cultura 'Escuelas Dorado' de Sama. Ésta nun será la última ocasión na que se podrá ver la muestra, yá que ta concebida como itinerante y pretende llegar a dellos conceyos asturianos a lo llargo de los meses próximos.

'Centro Niemeyer. Reflexos d'Asturies' inclúi semeyes de Pablo Alonso, José Manuel Ballester, Manuel Carranza, Javier Granda, Ángela Herrero, Fernando Manso, Ramón Vaquero, Nardo Villaboy, ArteFoto, Conceyu d'Avilés y Turismu d'Asturies, amás de reproducciones artístiques de Samuel Armas y Itziar Sánchez Chicharro.
Hora: L-V: 16-20h

Sitiu: 
Casa de Cultura 'Escuelas Dorado' de Sama
Localidá: 
Llangréu
Tipu d'eventu: 
Esposiciones
Contador Estadistiques