Bye bye Germany

Tratar una época tan terrible como foi la Segunda Guerra Mundial y los campos de concentración nun ye una xera cenciella, pero amás da-y un toque de comedia ensin faltar al respetu nin a la gravedá del asuntu entovía ye una empresa más difícil. Nesti casu'l director llogrólo. La so película ye una comedia qu'arrasó ente'l públicu gracies a la so axilidá y al diversu grupu de personaxes que la protagonicen. Toos ellos son xudíos sobrevivientes que tán tratando de reunir les perres necesaries pa salir d'una Alemaña lliberada recién polos exércitos aliaos y viaxar a Estaos Xuníos, la tierra les oportunidaes. Pa esti fin, el cabezaleru, David Bermann, monta un grupu de venta ambulante que nun dulda n'utilizar cualquier téunica o picaresca a mano pa colocar la so mercancía a tolos inxenuos colos que se crucien nel so camín.


Una comedia irónica, y inclusive romántica, que dexa mui bon saborgu de boca pol so mensaxe vitalista.


Títulu: 'Auf wiedersehen Deutschland' (Alemaña, Luxemburgu y Bélxica / 2017).


Direutor: Sam Garbarski.


Repartu: Antje Traue, Anatole Taubman, Moritz Bleibtreu, Mark Ivanir, Joel Basman, Jeanne Werner, Joachim Paul Assböck, Anna König y Tim Seyfi.


Versión orixinal n'alemán y inglés, con subtítulos en castellanu.
Hora: 20:00h.