Autores nel Camín: 'El gorrombu', de Saltantes Teatro

La catedral de Notre-Dame, ún de los símbolos culturales d'occidente, ta arrodiada poles llames. El fueu va tar hores afeutando a la cubrición y a tola so estructura.

La calor intensa non sólo provoca destrucción, sinón tamién un viaxe nel tiempu. Les pantasmes, qu'habiten ente les sos piedres, materialícense y lluchen por camudar lo que-yos trai la historia.

Quasimodo y Esmeralda van vivir nuevamente la so historia d'amor col deséu de camudar el so destín tráxicu. ¿Sedrán quien a consiguilo? ¿Podrán independizase y escribir un final distintu?

Esta obra ganó'l VII Premiu Nel Amaro de Teatru Profesional en Llingua Asturiana o Gallego-asturiano, correspondiente al 2023.
Hora: 20h