ARTIFEX, ingeniería romana en España

La esposición ARTIFEX. INGENIERÍA ROMANA EN ESPAÑA pretende averar al públicu'l legáu técnicu del mundu romanu, amosando tolos inxenios y les técniques que los romanos inventaron y perfeccionaron para llevantar obres públiques: calzaes, pontes, puertos, faros, aguaduchos o preses -obres de les que queden n'España abondosa muestra y un ricu patrimoniu-. Tamién revela tou un treme d'infraestructures esenciales na organización, el suministru y l'estensión cultural y militar l'Imperiu romanu.


Esta esposición ye'l frutu del llabor desenvueltu por D. Ignacio González Tascón (Uviéu, 1946- Madrid, 2006), Inxenieru de Caminos, Catedráticu d'Estética y Hestoria de la Inxeniería na Universidá de Granada, Asesor Técnicu de la Fundación Juanelo Turriano y un referente na investigación de la Hestoria de la Tecnoloxía y l'Inxeniería n'España.


La presentación de los conteníos de la esposición realízase al traviés de cinco árees de tipu temáticu, nes que s'amuesen munches de les grandes obres de la inxeniería romana en Hispania, según les innovaciones y les meyores esperimentaes na poca n'otros campos de la técnica, tales como la minería, la metalurxa o determinaes actividaes preindustriales.
Hora: