Artes Escéniques na Cai: 'Susurradores'

Teatro del Cuervo naz nel 2008 de la mano del actor y direutor Sergio Gayol. L'oxetivu d'esta compañía ye la busca d'un teatro que coneute col públicu, de cualquier edá, dende la calidá y el trabayu. Na so trayeutoria amplia combínense dellos xéneros y abunden les coproducciones con otres compañíes.


'Susurradores' fai llegar la poesía de manera direuta al oyíu del espectador d'una forma personal y irrepetible. Recuérdanos que l'actu de la comunicación humana pue ser dalgo cenciellu, íntimu y que debemos de dir a buscar al otru llau de les pantalles y les conversaciones rutinaries. Trátase d'un intentu de desaceleración del mundu nel que vivimos onde, por desgracia, la pallabra oral va perdiendo cada vegada más fuercia frente a les conversaciones virtuales de les nueves teunoloxíes.
Hora: 20:00h.