Arqueoloxíes del futuru

Arqueoloxíes del futuru toma como puntu de partida la obra del arquiteutu asturianu Joaquín Vaqueru Palacios, creador de les centrales hidroeléctriques de Salime (1954), Selviella (1958-1962) y Proaza (1964-1965) propiedá de EDP. Les centrales tán cubiertes de figures que representen distintes formes d'enerxía, el so orixe y tresformamientu. La tecnoloxía industrial apaez como un poderosu axente de cambéu, capaz d'apoderar la naturaleza. Esti proyectu analiza'l papel mediador que la tecnoloxía industrial tuvo y tien ente naturaleza y sociedá.

La instalación ye un archivu espandíu, una cápsula temporal, que nos tresllada a un momentu indetermináu nel tiempu. Un futuru hipotéticu onde l'alcuentru con fragmentos d'estos relieves evidencia la desapaición d'un impulsu innovador, capaz de proponer alternatives a un modelu de xestión enerxética obsoletu. Retayos d'hestoria y de futuru convídennos a analizar y repensar los venceyos ente trabayu, tecnoloxía, naturaleza y sociedá.

Arqueoloxíes del futuru ye'l proyectu ganador del Premiu LABjoven_Los Bragales, convocáu conjuntamente pola Colección Los Bragales, propiedá del empresariu cántabru Jaime Sordu, y Llaboral Centru d'Arte. El proyectu foi desenvueltu por Fran Meana al traviés d'una residencia de producción de dos meses en Plataforma 0. Centru de Producción de Llaboral.

La investigación foi posible gracies a la collaboración de EDP que facilitó l'accesu al so arquivu y centrales.
Hora: