Andrea Chénier

13 Avientu, 2017
Andrea Chénier

Intrigues, odiu, rensía, persecución política, llucha de clases, ilusiones atayaes y sobremanera, amor apasionao, son aspeutos de la vida que, envolubraos n'una cruenta revolución y protagonizada por un personaxe qu'esistió en realidá (el poeta francés André Chénier, executáu mientres la Revolución Francesa), entemécense para danos una de les óperes más representatives del períodu verista italianu, onde se escenifica la tráxica y emotiva hestoria d'amor ente'l poeta Andrea Chénier y l'aristócrata Maddalena de Coigny.


El célebre improvviso: "Un dì all´azzurro spazio", la famosísima aria de Maddalena "La mamma morta" o l'aturbolináu dúo final 'Vicino a te' nel que la pareya protagonista canta heroicamente camín del cadafalsu, son dellos exemplos d'una obra apinada de pasaxes llíricos que cubren d'interés esta hestoria d'amores truncaos nos díes más sangrientos de la dictadura de Robespierre cuando la guillotina trabayaba ensin fuelgu.


Umberto Giordano, con tal solu 27 años, algamó con esta ópera la celebridá mundial y l'Ópera d'Uviéu celebra asina'l 150 aniversariu de la nacencia del compositor.


Andrea Chénier: Jorge de León

Carlo Gérard: Carlos Álvarez

Maddalena de Coigny: Ainhoa Arteta

La Mulata Bersi: Mireia Pintó

La Condesa de Coigny/Madelon: Marina Rodríguez-Cusí

L'abá: Manuel Gómez Ruiz

Un Increyible: Jon Plazaola

El mayordomu/Dumas/Schmidt: Cristian Díaz

Dirección musical: Gianluca Marcianò

Dirección d'escena: Alfonso Romero Mora

Orquesta Oviedo Filarmonía

Coru de la Ópera d'Uviéu

Hora: 20:00h.

Sitiu: 
Teatru Campoamor
Localidá: 
Uviéu
Tipu d'eventu: 
Música
Contador Estadistiques