300 años de Maya de Lluanco

La maya ye una modalidá del encaxe d'aguya que se fai con un solu filu qu'evoluciona sobre sí mesmo formando puntos distintos. Un llabor artesanal y una tradición que, en munchos casos, tresmitióse de madres a fíes y que foi más allá del ámbitu domésticu hasta alcanzar un tratamientu comercial. Formáronse grandes talleres organizaos al mou preindustrial –maestra, oficiales y aprendices– que xeneraron rentes importantes nuna economía de sustentu venceyada a la pesca.


Na esposición amúense llabores de maya bordada en Lluanco de gran antigüedá (dende'l 1800 al 1920), la mayor parte nunca amosaes hasta agora, procedentes de coleiciones particulares. Na mesma, como contraste con la maya antigua, y pa mostrar la evolución de la téunica y de los motivos, espónense dalgunos llabores actuales, realizaos por bordadores que trabayarán a la vista del públicu n'hores de tarde.
Hora: