Espaciu y Tiempu de la Llingua Asturiana

Cronoloxia

Esta cronoloxía pretende facer un repasu a feches nes que pasaren acontecimientos que de d'una o otra manera supunxenon un fitu na hestoria de la llingua d'Asturies. Esta ye la nuesa clasificación que pol mesmu calter de la mesma nun dexa de ser arbitraria. Sicasí pue valir pa facese una idea de la evolución de la nuesa llingua nel tiempu.

1984:Xunta pola Defensa de la Llingua Asturiana

La Xunta pola Defensa de la Llingua Asturiana ye una asociación que dende 1984 vien lluchando por una presencia digna del asturianu na vida pública del país. Ye baluarte de la reivindicación llingüística y convocante de les manifestaciones pola oficialidá que cada Día de les Lletres Asturianes xunta a miles de persones. Tamién empobina tolos años el Conciertu pola Oficialidá y delles campañes pa esixir una presencia amañosa de la llingua nel sistema educativu.

1994: Los asturianos y la llingua asturiana

En 1994 el Gobiernu asturianu da a conocer los datos de la encuesta sociollingüística de Llera Ramos. Nel trabayu "Los asturianos y la lengua asturiana", pue vese como'l 61,2% de los asturianos ye partidariu de la oficialidá del idioma propiu.

1997: Bimenes declara la oficialidá

En xunetu de 1997 el conceyu oriental de Bimenes ye'l primeru en declarar la oficialidá nel so territoriu, otros conceyos del país van siguir el so exemplu.

1998: Llei d'usu

La Xunta Xeneral del Principáu d'Asturies aprueba la Llei d'usu y promoción del bable/asturianu. Una llei que reconoz por primer vez, anque de manera curtia, derechos pa los asturfalantes. Sicasí, los puntos más importantes de la llei siguen ensin cumplise.

1998: Mirandés, segunda llingua de Portugal

En payares de 1998 el Parlamentu portugués reconoz el mirandés como la segunda llingua de la República y aprueba un decretu llei que reconoz los drechos llingüísticos de los falantes. Un añu dempués, l'ayuntamientu de Miranda de l Douro y la Universidá de Lisboa elaboran una norma ortográfica basada nel portugués.

Pages

Cola ayuda de

Coneyería d'Educación y Cultura

Espaciu y Tiempu de la Llingua Asturiana
--Araz.net, © 2010. Tolos derechos reservaos.