Darréu entama'l sábadu una xornada montañera y reivindicativa

|
Una ruta de montaña ye l'actividá qu'entama Darréu esti sábadu col oxetivu de "afitar compañerismu y compromisu y convivir con otros compañeros nuna xornada vindicativa, natural y llúdica". Ésta va principiar a les 10.30 hores dende Fayacaba (Bimenes), pa facer un intenerariu pola Campa Gües, el Pozu Funeres y el Picu Trigueru (Llaviana), onde va finar la marcha.
 
En Pozu Funueres los participantes van facer un homenaxe "a los ellí represaliaos pol facismu" y un actu políticu. Pa garrar fuercies de nuevu, los montañeros tornarán a Campa Gües pa una xinta popular y de xermandía nun chigre de la zona, que tendrá un preciu aproximáu de 14 euros. Pa más información sobre esta xornada montañera y reivindicativa, ye posible contautar con Darréu al traviés del corréu electrónicu darreu.moceda@gmail.com. Nel casu de mal tiempu, l'actividá camudaríase pa otru día.
 
Contador Estadistiques