Facer xeres ensín instalar programes
29 Setiembre, 2017 por Jose Zeliq
Güei vamos falar de los servicios que podemos utilizar online para realizar diverses xeres ensin tener qu'instalar programes nel nuesu equipu, que nun presta instalar coses innecesaries.
Imaxinemos qu'hai una conferencia d'Umbral que siempres quixisti poder llevate nel to móvil para escuchala una y otra vegada: pegues la url del vídeu de Youtube y fecho, convertíu a mp3. Esta páxina tamién dexa conversión ente distintos formatos de vídeu (anque eso nun lo probemos, cola tema d'Umbral tamos mui ocupaos): Online-convert.com.
Ésta ye una interesante páxina que nos dexa convertir ente distintos formatos de «ebook» y el so formatu de salida, al igual que l'anterior dexa otru tipu conversiones, pero nesta llamónos l'atención la opción de llibros electrónicos: Online-convert.com.
La siguiente propuesta nun dexa de ser llamativa, descomprime archivos online... Hai otres, pero ésta tamién soporta archivos .rar: B1 Online Archiver.
Va ser per correos online, pero mailinator tien xuna característica bien interesante, caduca... Podéis utilizalo pa rexistravos naquelles páxines que vos pidan un corréu, pero que nun vos interese dar una dirección qu'uséis, pa evitar que vos bombardeen con publicidá: Mailinator.
Y d'últimes, una un poco friki; nun tien muncha utilidá pero ye risonderu :) Convierte les tos imaxes en ascii: Text-image.com.
Estos cuadernos téunicos tan redactaos por Jose Zeliq, responsable de Nexus 7 informática.
