Convocatories

Xixón

-12 hores: actu escolar institucional de celebración de la XXXVI Selmana de les Lletres Asturianes, con intervención d'autoridaes, la entrega de los premios del XX Certame de Creación Artística/Lliteraria, del XII Certame de Cartelismu y del IV Certame de Creación Audiovisua, y delles actuaciones. Nel Colexu Públicu Manuel Martínez Blanco.

III Feria del Discu y Llibru n'Asturianu

-17.30 hores: taller infantil a cargu de Trébole, que va interpretar personaxes de 'La tortiella de la doña Pita' de Nacho Fonseca.

Avilés

-12 hores: inauguración de la III Feria del Llibru y Discu n'Asturianu y presentación de ‘Caleya Sésamu: el papel de la televisión na tresmisión interxeneracional de la llingua’ de Damián Barreiro, XX Premiu Máximo Fuertes Acevedo d’ensayu, a cargu de Naciu Llope.

La feria va tar abierta nesta xornada de 11 a 14 hores y de 17 a 21 hores.

Tuña

-19 hores: presentación del llibru ‘Crónica de la lluz y la solombra’ d’Antón García, XXXV Premiu Xosefa Xovellanos de novela, a cargu d’Ana Vanessa Gutiérrez.

Uviéu

-De 12 a 14 hores: llectura siguida de la obra 'L'inxeniosu fidalgu don Quixote de la Mancha' nel paraninfu de la Universidá d'Uviéu.

-19 hores: presentación del llibru 'L'arume de la tierra' d'Enrique Carballeira, VI Premiu Alfonso Iglesias de cómic, a cargu d'Ernesto García del Castillo ‘Neto'. Darréu va celebrase la mesa redonda 'El comic n'asturianu güei', moderada por José Antonio García Fernández 'Chechu García', na que van participar Carballeira, Neto y Ruma Barbero. Nel salón d'actos de la Biblioteca d'Asturies.