Convocatories

Folixa na Primavera de Mieres

18 Abril, 2013
19-04-2013

-18 hores: pasucais del Grupu de Baille Xorrecer y, darréu, actuación na plaza d'El Requexu.

-19.45 hores: entama la preba de sidra nel paque Xovellanos. Actuaciones de la Banda de Gaites Villa de Mieres y del Grupu de Baille Xorrecer.

-20 hores: llectura del pregón por parte de Javier Fernández Lopez, direutor del Muséu del Ferrocarril d'Asturies, y inauguración de la Folixa na Primavera.

‘Día de las Ḷḷetras Asturianas’ en Cangas del Narcea

19 Abril, 2013
19-04-2013

Actu presentáu por María Cotiello que sirve d'adelantu a la Selmana de les Lletres Asturianes.

Esti eventu va incluyir la presentación del llibru 'Vocabulariu de Cangas del Narcea', de Jesús Feito Calzón; la intervención de la presidenta de l'Academia de la Llingua Asturiana (ALLA), Ana María Cano; la llectura d'una esbilla de poemes, a cargu de Cotiello; y la representación de 'Llázaro de Tormes', a cargu de Carlos Alba 'Cellero'.

Mesa redonda 'La esperiencia hestórica de la Plataforma contra la Represión y poles Llibertaes y la necesidá de la Unidá d'Acción equí y agora'

8 Abril, 2013
18-04-2013

Cola participación de Cándido González Carnero, María Jesús Suárez García, Miguel Ángel Llana y Javier Cubero de Vicente.

A les 19.30 hores nel llocal de la Sociedá Cultural Xixonesa (cai Miranda 4, Xixón).

Entama la Sociedá Cultural Xixonesa.

 

Charra 'Presupuestos participativos municipales'

9 Abril, 2013
18-04-2013

A cargu de Nuria Rodríguez López, llicenciada en Ciencies de la Educación y esperta universitaria n'Investigación Acción Participativa pola Universidad Pablo Olavide de Sevilla.

A les 20 hores nel Centru Social Autoxestionáu La Semiente (Eladio García Jove 6, L'Entregu).

Entama'l CSA La Semiente.

 

Presentación del númberu 11 de Formientu en La Foz

16 Abril, 2013
17-04-2013

Dalgunos de los autores que presenten trabayos nesta revista de lliteratura moza van lleer les sos creaciones nesti actu presentáu por Inaciu Galán, direutor de Formientu. Darréu, va tener llugar una charra sobre Iniciativa pol Asturianu.

A les 19 hores na escuela-llar del colexu Horacio Fernandez Iguanzo, de La Foz (Morcín).

Entrada llibre.

Entama Iniciativa pol Asturianu.

Proyeición de semeyes de la novena Delegación Asturiana de Verificación de Derechos Humanos en Colombia

15 Abril, 2013
15-04-2013

Tamién va facese entrega de reconocimientos a delles asociaciones que la delegación recibió en Bogotá.

A les 19 hores nel Atenéu de La Calzada (Xixón).

Entama'l Programa Asturiano de Protección a Víctimas de Violaciones de Derechos Humanos en Colombia.

Charra-alderique 'En defensa de los conceyos asturianos y pola democracia participativa'

10 Abril, 2013
13-04-2013

Cola participación de Ástor Llaneza, voceru de Conceyu Abiertu; Aitor García, conceyal asturianista de Bimenes; y Jesús Barbón, llicenciáu en Derechu.

A les 18.30 hores na Casa de la Cultura de Bimenes (Santuyano).

Entama Conceyu Abiertu.

Conciertu antirrepresivu: Skontra, Skainhead y El Corrector

3 Abril, 2013
13-04-2013

La banda madrilana Skainhead va compartir escenariu colos asturianos Skontra. Completa'l cartelu'l DJ de música xamaicano El Corrector.

A les 18 hores nel Centru Social Autoxestionáu La Madreña (Uviéu).

Sofitu: 5 euros. Los beneficios del conciertu destinaránse al pagu de multes y de gastos xudiciales.

Entama Uviéu Antifa.

 

Charra-presentación de la Cooperativa Integral Asturiana

8 Abril, 2013
11-04-2013

Victor Montes y Rosario Hernández Catalán, miembros de la cooperativa, van falar del modelu económicu, social y políticu que supón una cooperativa integral y del so orixe nel Estáu cola esperiencia en Catalunya y la so estensión n’Asturies.

A les 20 hores nel Centru Social Autoxestionáu La Semiente (Eladio García Jove 6, L'Entregu).

Entama'l CSA La Semiente.

Pages

more

Efrén d'Andrés

Última viñeta (25 de mayu del 2024)

Espaciu y Tiempu

Xuegos

Enigma Xovellanos
Conoces Asturies
 
Sopa de lletres
Sopa de lletres
Conceyos d'Asturies
Conceyos d'Asturies