XXIV Feria del Miel d'Ayer

Los espositores van instalase na plaza la Ilesia de Morea y van tar abiertos n'horariu de 11 a 15 hores.

Nesta xornada tamién va celebrase'l concursu de platos fechos con miel, con un primer premiu de 200 euros, que s'han d'entregar ente les 11 y les 11.30 hores. El fallu del xuráu conoceráse al final de la mañana y la entrega de gallardones tendrá llugar a les 14 hores.

De manera paralela, van celebrase les XXI Xornaes Gastronómiques del Miel nos restoranes Collainos, La Fumiosa, Teyka, Casa Pando, Esperanza y Maruja Bayón de Morea, asina como en La Casona de Nembra. El menú, con un preciu de 20 euros, ta compuestu por pote de castañes, bacaláu con pistu o pitu de corral y tarta de requesón con miel y lemon curd; inclúi agua, vinu, café y llicor.

Entama'l Conceyu d'Ayer en collaboración cola Asociación de Apicultores de Aller y la Conseyería d'Agroganadería y Recursos Autóctonos.

Fecha: 
Dom, 10/26/2014 - 00:00
Contador Estadistiques