Convocatories

Ponencia 'El Conceyu Llangréu na toponimia medieval', a cargu de Xosé Lluis García Arias.
 
A les 20 hores nel Centru de Referencia de la Cultura y la Llingua Asturiana Casa de los Alberti, en Ciañu.
 
Entama la Fundación Nuberu y el Conceyu de Llangréu.

'Los viaxes de Gulliver', llargumetraxe d'animación dirixíu por Max Fleischer nel añu 1939 y tornáu al asturianu por Gonzali Producciones.
 
A les 19 hores na Casa la Cultura de L'Entregu.
 
Entrada llibre hasta completar aforu.
 
Entama l'Oficina de Normalización Llingüística de Samartín del Rei Aurelio.

'L'alcordanza de la memoria' ye un boletín de calter bimestral que vindica'l pasáu asociativu de Xixón, ya sía políticu, cultural o deportivu; la memoria del trabayu y la industria na ciudá; y, finalmente, la llamada 'memoria histórica', esto ye, los socesos acontecíos na Guerra Civil y los años posteriores. Esta publicación billingüe dedica esti númberu a los ateneos republicanos y a la fábrica de Laviada.
 

Nel Centru Muncipial Integráu de Pumarín-Xixón Sur

-A les 11 hores: 'Apuntes sobre'l traxe femenín na fastera central (la montaña)', a cargu del cántabru Aurelio Vélez García.
 
-A les 12.30 hores: 'La indumentaria tradicional festiva de la Maragatería', a cargu de los lleoneses Javier Emperador y Carlos Santos.