Primer Mayada y Espicha 2010

LA SIDRA entama pal sábadu 4 d'avientu la Primer Mayada y Espicha 2010, una de les tres cellebraciones emblemátiques del Ensame Sidreru y na que los participantes tienen la oportunidá de mayar la sidre ellos mesmos, y de prebar los tinos y toneles del llagar que mos agospia.

Nesti casu, ye'l Llagar Frutos (Quintueles. Villaviciosa) el qu'abre les puertes a LA SIDRA, y sedrá'l propiu llagareru -Gustavo- el que, en grupos reducíos, vaiga presentándomos tinos y toneles cola sidre n'estremaes fases d'ellaboración, dende lo acabante de mayar fasta lo que yá ta cola formientación maleolláctica finada.

Trátase d'una ocasión única pa conocer a fondu esti perguapu llagar, y de deprender les diferentes carauterístiques de la nuesa bébora patria a lo llargo de la so evolución dende la sidre'l duernu fasta que yá ta pa corchar.

El preciu de la espicha (que tendrá'l so aquelli de mariscu pa que preste'l tragu), ye de 25 €, de 22 € pa soscritores y collaboraores. Comu davezu, el númberu de places ye llimitáu, y seguiráse un rigurosu orde d'iscripción, y por supuestu nun faltará nin música asturiana, nin bon ánimu nos asistentes.

La Primer Mayada y Espicha entamará a les 13 hores.