Primer aniversariu d'Ixuxú Asturies-Euskal Herrial elkartea: proyeición de 'Ziztadak-Tábanos' y conciertu de Skama la Rede, Skakeitan y ON

Proyeición

El ruíu de la violencia y el griteríu de la política arrequexaron munches vegaes la historia de la llucha activista non violenta n'Euskal Herria. El documental 'Ziztadak-Tábanos' recueye una serie d'aiciones non violentas, desobedientes, pacífiques, imaxinatives..., que formen parte de la memoria coleutiva del pueblu vascu. Los protagonistes de dellos movimientos tornaron a llugares emblemáticos de les sos reivindicaciones pa esplicar in situ cómo fueron y, al mesmu tiempu, aportar les sos reflexones sobre la validez y la vixencia de la non violencia.

A les 18 hores nel Centru Social Okupáu Autoxestionáu La Madreña (Uviéu).

Entrada llibre

Conciertu

Actuaciones de Skama la Rede y de les bandes vasques Skakeitan y ON.

A les 20.30 hores nel CSOA La Madreña.

Entraes: 4 euros, anticipada y socios d'Ixuxú, y 5, na puerta.