Primer aniversariu d'Ixuxú Asturies-Euskal Herrial elkartea: proyeición de 'Hala Bedi Irratia. 30 urte kolpez kolpe'

El documental enllaza la historia y el trabayu diariu de la radio llibre gasteiztarra Hala Bedi, que cumple 30 años de vida, axuntando delles partes de ficción. Por una parte, el documental fai siguimiento de la evolución histórica, empezando con entrevistes a les primeres participantes de la radio y terminando cola xente que collabora anguaño na emisora. Exerciendo'l trabayu de periodistes y entrevistando a los miembros d'Hala Bedi atopamos a Fermin Muguruza, Jon Maia, Mariano Ferrer, Iñaki Ortiz de Villalba y Txerra Bolinaga. 

A les 20 hores nel Centru Social Autoxestionáu La Semiente (L'Entregu).

Tres la proyeición va haber a la venta pintxos de quesu ecolóxicu de la cooperativa Esnetik.