Presentación de "Mael al debalu" en Siero

 Presentación del llibru Mael al debalu, de Sidoro Villa Costales, que se va faer nel salón d'actos de la Casa la Cultura de La Pola Siero'l martes 28 a les 20:00 hores.

Mael al debalu ye una novela escrita pa un públicu mozo, pero que va presta-yos a
los mayores. El mocín protagonista vive unes aventures bien entreteníes diendo pela
mar nun sofá que tresportaba con so güelu.

Les peripecies de Mael tán cuntaes con una chancia y unos referentes lliterarios que
faen del llibru una ayalga; al tiempu que te ríes, repases obres y episodios
fundamentales de la lliteratura universal rellacionada cola mar; esos clásicos colos
que tan bien lo pasemos.

El procuru de Sidoro al escribir na so llingua d'usu produz un asturianu mui ricu,
pero natural, mui d'agradecer, y que ye otru de los grandes valores de la novela.
Una llectura que t'atrapa y recomendable de toes toes.