IX Xornaes Culturales 'De Castilletes y carbón': ciclu de cine 'Baxando pa la galería'

Proyeición de 'La sal de la tierra', dirixida nel 1954 por Herbert J. Biberman y protagonizada por Juan Chacón, Will Geer, Rosaura Revueltas, Mervin Williams y Frank Talavera: La fuelga que protagonizaron unos mineros de Nuevo México supunxo una batalla dura y amarga, pero contaron en too momentu col apoyu de les sos muyeres.

Discutíu melodrama semidocumental nel qu’intervienen personaxes reales, pero que tuvo qu’encarar munchos problemes demientres y dempués del rodaxe: el direutor, el productor, el guionista, el compositor y l’actor Will Geer figuraben entós na 'llista negra' del Comité d’Actividaes Antiamericanes del senador McCarthy. Güei, por contra, ye una de les poques películes que se conserven na Biblioteca del Congresu de los Estaos Xuníos pol so valor históricu y cultural.

A les 20 hores nel Cine Felgueroso (Sama).

Entama la Fundación Nuberu en collaboración col Conceyu de Llangréu.