Emisión per TPA (A7) del capítulu númberu 7 de 'Territoriu Sidreru'

De la mano d’Inaciu Galán el programa aporta a Peñón, un llagar que pasó yá del sieglu d’historia na parroquia d’Albandi, en Carreño, y na que se cuida la sidra con munchu procuru. Amás, da a conocer les actividaes gastronómiques y d’ociu d’unes xornaes yá afitaes nel calendariu sidreru, 'Xixón de sidra'. Avérase tamién nesti episodiu al funcionamientu de la D.O.P. 'Sidra de Asturias' y a los controles que pasen los llagares pa consiguir esti sellu de calidá. Con Inaciu Hevia Llavona'l programa da a conocer na seición 'Xente sidrero', que nesta ocasión va tratar la historia de la botella de sidra que recueye'l xixonés nel llibru 'La botella de Xixón. Oríxenes y desendolcu hestóricu de la botella de sidra d'Asturies', obra ganadora del V Premiu d'Ensayu y Investigación Fierro Botas. En Mieres, 'Territoriu Sidreru' avérase al chigre-llagar Panizales, el primeru en producir sidra de xelu. Pa rematar, como ye vezu, Fernán Gonzali Llechosa va comentar una pallabra sidrera.

A les 15 hores per TPA (A7).