Ciclu de cine “Muyeres nel mundu”: Caramel

Ciclu de cine “Muyeres nel mundu” organizáu pola Coordinadora de ONGD del Principáu d’Asturies.

Llunes 4 a les 20.30 nel Teatru Filarmónica d’Uviéu proyección del llargumetraxe Caramel.

Sipnosis:
En Beirut, cinco muyeres axúntense nun salón de guapura, un microcosmos altamente colorista y sensual. Layale ama a Rabih, pero ye un home casáu. Nisrine ye musulmana y tien un problema de cara a la so próxima boda: yá nun ye virxe. Rima ta murnia porque-y atraen les muyeres. Jamale nun quier avieyar. Rose sacrificóse por curiar de la so hermana mayor. Nel salón de guapura, los homes, el sexu y la maternidá asítiense nel centru de les sos conversaciones íntimes y lliberaes, ente cortes de pelo y depilación con una pasta caramelizada d'azucre, agua y llimón.