Alderique-conciertu d'instrumentos tradicionales del mundu

El músicu madrilanu Luis Delgado va dar un alderique-conciertu n’Avilés. Nél va facer un viaxe al traviés de la intrahistoria de dellos instrumentos d’estremaes partes del mundu.
  
Miembru de bandes cimeres del folk del Estáu español como La Musgaña, Cálamus, Finis Africae o Babia y con más de venti discos asoleyaos como solista, Luis Delgado caltién amás una de les meyores colecciones europees d'instrumentos tradicionales, con más de 1200 referencies, 600 de les cuales tan espuestes nel so muséu d'Uruñea (Valladolid).
  
Delgado va tar el vienres 5, a les 20 hores, nel Muséu Alfercam d’Avilés. Nesta cita va axuntar les actividaes de músicu y coleccionista pa interpretar música con dellos de los instrumentos de la so colección y pa falar de les lleendes y tradiciones venceyaes con cadún d'esos instrumentos.