Miguel Ríos reapaez, tres la so retirada de los escenarios, pa un conciertu solidariu nel que va interpretar los sos cantares de siempre en versión sinfónica. Les perres recaudaes van pa un proyeutu de Medicusmundi contra la violencia de xéneru en Nicaragua y pa la iniciativa 'Vínculos' de la Orquesta de Cámara de Siero. A última hora tamién se sumen a la causa'l Coro Voces Blancas del Nalón, el saxofonista Andreas Prittwitz y Víctor Manuel.
Tercer xornada d'esti ciclu de conferencies que celebra charres tolos miércoles del mes de febreru y el 13 de marzu. Nesta ocasión, el protagonista va ser Luis Lobo Urrutia, téunicu del Ingurugiro Gaietarako Ikastegia-Centro de Estudios Ambientales del Ayuntamientu de Gasteiz, que va impartir la conferencia 'Beneficios y servicios ambientales de la restauración de humedales: el caso de Salbarua'.
A les 19.45 hores nel Centru de Servicios Universitarios d'Avilés (La Ferrería, 7-9).
David Artime y Miguel Fernandi van tratar temes rellacionaos col fútbol que van más allá del ámbitu deportivu y que tien una influencia importante a nivel social, políticu y económicu.
A les 20.30 hores nel Bar Cantábrico (cai Muelle d’Oriente 3, Xixón; frente a los Xardinos de la Reina).
-A les 18 hores: 'Benvida Celta'. Esta actividá feiráse nel porto de Tapia, unde diferentes músicos tradicionales coa inestimable colaboración dos marineiros tapiegos, amañarán un maraviyoso espectáculo na dársena del porto. Os asistentes deben colocarse na zona da Guardia ou nel porto de Tapia pr'asistir al espectáculo.
Charra, proyeición, venta de llibros y dedicación d'exemplares por parte del autor, Ruma Barbero. Esta obra trátase d'una novela gráfica de 160 páxines en llingua asturiana desendolcada a partir de les vivencies y los testimonios de cooperantes internaciones y veteranos de la guerrilla salvadoreña.
A les 20 hores nel Centru de Referencia de la Cultura y la Llingua Asturiana Casa de los Alberti.