La XDLA anuncia'l cartelu del XXVI Conciertu pola Oficialidá

La Xunta pola Defensa de la Llingua Asturiana (XDLA) y Xunta Moza tán acabantes d'anunciar los grupos que van participar el 7 de xunu nel XXVI Conciertu pola Oficialidá: Pop Piquiñín, Tuenda, Asgayah Sound, Xera, La Tarrancha (y collacios), Misiva y Skama la Rede. Nesta ocasión, la cita caltiénse en Xixón, anque camuda d'ubicación, pasando del Parque Inglés a la esplanada de la playa d'El Natahoyo asitiada frente al Acuariu. El costu de les entraes va ser de 8 euros, anticipao, y de 10, na puerta.