Andecha Astur participa nun homenaxe a los milicianos asturianos cayíos en Larrabetzu

Esti domingu va celebrase un actu n'alcordanza de los milicianos asturianos cayíos nel 1937 en Larrabetzu defendiendo a esti pueblu bizkaitarra de les tropes nacionales mientres la Guerra Civil. Una delegación d'Andecha Astur va desplazase a Euskal Herria pa participar nesti homenaxe, que va principiar con una recepción a los asturianos na Herriko Plaza con música vasca y de gaita pa desplazase darréu a Bolumburu, llugar onde tán enterraos los restos de los milicianos y nel que l'añu pasáu s'instaló un monolitu de recuerdu. La xornada va finar con un conciertu.